അഭിഭാഷകവൃത്തിയില്‍ നിന്ന്‌ കാര്‍ഷികവൃത്തിയിലേക്ക്‌ തിരിഞ്ഞ ശ്രീ. തമ്പി തോമസിനെയാണ്‌ ഈ വീഡിയോയില്‍ പരിചയപ്പെടുത്തുന്നത്‌. നമ്മുടെ പരമ്പരാഗത കാര്‍ഷികവിജ്ഞാനം സ്വാംശീകരിച്ച്‌ തികഞ്ഞ മാനേജ്‌മെന്റ്‌ വൈദഗ്‌ധ്യത്തോടെ പ്രകൃതി സംരക്ഷത്തിന്‌ അനുയോജ്യമായ രീതിയില്‍ പ്രയോജനപ്പെടുത്തുകയാണ്‌ അദ്ദേഹം ചെയ്യുന്നത്‌. രാസവള-കീടനാശിനി വിമുക്ത ഭക്ഷണം എന്ന ആശയം മുന്‍നിര്‍ത്തിയാണ്‌ അദ്ദേഹം കാര്‍ഷികവൃത്തിയിലേക്ക്‌ തിരിഞ്ഞത്‌. ആ മേഖലയില്‍ പ്രത്യേകിച്ച്‌ നെല്‍കൃഷിയില്‍, പഴങ്ങളുടെ ഉത്‌പാദനത്തിലും മികച്ച നേട്ടങ്ങള്‍ കൈവരിക്കുവാന്‍ അദ്ദേഹത്തിന്‌ കഴിഞ്ഞു.